|
අභිමානවත් 71 වන නිදහස් දිනය සැමරීම වස් රුවන්වැල්ල ප්රාදේශීය ලේකම් කාර්යාලය ඇතුළු රජයේ ආයතන,දේශපාලන අධිකාරිය,ප්රජා මූලික සංවිධාන හා පාසල් දරුවන්ගේ සහභාගීත්වයෙන් ඉතා උත්කර්ෂවත් හා විචිත්රවත් අන්දමින් ප්රාදේශීය ලේකම් කාර්යාලයීය ශ්රවණාගාරයේ දී 2019/02/04 වන දින පැවැත්වු වගයි. ජාතික අභිමානි හැඟුම් ජනිත කරවමින් වැන්දල ප්රාථමික විද්යාලයේ විදුහල්පති තුමා උත්සවයේ ප්රධාන දේශනය පැවැත් වූ අතර කාර්යාලයීය නිලධාරින්ගේ ජාතිකාභිමානි නර්තනය පැමිණි සියල්ලන්ගේම නෙත් සිත් පැහැර ගත් අංගයකි. දේශනයේ ඡායාරූප,නර්තන අංග ඡායාරූපරුවන්වැල්ල කොට්ඨාශය සිංහල, දමිළ ,මුස්ලිම්,බර්ගර් යන සියලු ජාතීන්ගෙන් සමන්විත බහු සංස්කෘතීන්ගෙන් සන්නද්ධ වු ප්රදේශයකි.එම කරුණ සාක්ෂාත් කිරීමට මෙන් සාම්ප්රදායික වෙස් නර්තනය,භරත නර්තනය,හා මුස්ලිම් ජන නැටුම් ආශ්රෙයන් නිර්මාණය වු සියලු සංස්කෘතික අංග සම්මශ්රණය වු නර්තනාංගය ඉදිරිපත් කරන ලද්දේ රුවන්වැල්ල සහිරා මුස්ලිම් විද්යාලය,කෛලයිවානි දෙමළ විද්යාලය හා රුවන්වැල්ල රාජකීය විද්යාලයේ දරු දැරියන්ගේ දායකත්වයෙනි. සියල් සංස්කෘතීන් කැටි වු මෙම නරතනාංගය කාගේත් නෙත් සිත් පැහැර ගත්තා සේම ඒ තුළින් ගම්ය වුයේ ජාතීන් අතර වු සහෝදරත්වයයි. 2030 වන විට ඉගෙනුම ලබන සියලුම දෙනා සංවර්ධන ඉලක්ක ප්රවර්ධනය කිරිම සදහා වු දැනුම සහ කුසලතාවයන් ලබා ගෙන සිටීම .අධ්යාපනය,ජිවන රටාවන්,මානව අයිතිවාසිකම් ,සාමය.සහ ප්රචණ්ඩත්වයෙන් තොර සංස්කෘතියක් ප්රවර්ධනය කීරීම ,ගෝලීය පුරවැසිභාවය සහ සංස්කෘතික විවිධත්වය ඇගයීම යන සහශ්ර සංවර්ධනඉල්ක්කයන්ට ළඟා වීමද අරමුණු කර ගත් 71 වන ජාතික නිදහස් දින උත්සවය අභිමානත් වූ බව නම් විද්යමාන වු සත්යතාවයයි. 71 වන නිදහස් දිනයට සමඟාමීව ප්රාදේශීය ලේකම් කාර්යාල නිලධාරීන්ගේ සහභාගීත්වයෙන් පැවැත් වූ දැනුම මිනුම තරඟාවලියේ ජයග්රාහකයන් හට ත්යාග හා සහභාගීත්ව සහතික ප්රධානය ද පැමිණ සිටි සම්භාවනීය අමුත්තන්ගේ සුරතින් සිදු කිරිම ද විශේෂත්වයකි.
|
